I se faamatalaga a le Malo o Samoa mai le Ofisa o le Komesina a le Malo o Peretania i Samoa, ua faailoa mai ai le toe tolopo o le faigamalaga a le Afioga i le Minisita o le Va i Fafo a Peretania, James Cleverly mo Samoa i le vaiaso nei.
E pei ona fasalalauina e le Reuters i le aso ananafi o le faigamalaga lea a le Minisita o le Va i Fafo a Peretania ma le Minisita o le Va i Fafo a Niu Sila, Nanaia Mahuta na fuafua e auai faatasi ai i Samoa mo nisi o fontoaga faalemalo ae peitai ua le mafai ona auai Cleverly ona o le tulaga o se mataupu o loo vevesi ai le atunuu o Sudan.
O loo i Ueligitone Cleverly e tapena ai le tali atu a le Malo o Peretania mo le mataupu o loo aafia ai Sudan i le taimi nei.
