Ua 23 nei i le ‘aulakapi a le atunuu o Chile, ua sao atu i le taamilosaga o le Ipu o le Lalolagi i Ausetalia i le tausaga e 2027, ina ua manumālō lea ‘aulakapi i le taaloga ma le tatou Manu Samoa i le Aso Sa ua mavae atu nei.
O ‘ai o le taaloga lona lua a le Manu Samoa ma Chile e 31 Chile i le 12.
Ua toe tasi nei le taamilosaga e faia i Dubai o le a toe tapena iai le ‘aulakapi a le atunuu pe maua ai sona avanoa i le Ipu o le Lalolagi.
Se finagalo o le susuga Su’a Hesed Ieremia, o le ta’itai malaga o le Manu Samoa i se faatalanoaga a o lumana’i le taaloga lona lua ma Chile ua tatou malolo ai ma sao ai le ‘au a lea atunuu i le Ipu o le Lalolagi, ae toe sa’ili pea se isi avanoa o Samoa i le taamilosaga sa’ili avanoa e tasi o loo totoe.
