Ua lē manuia le taumafai o le tatou ‘aulakapi o le Manu Samoa i le taamilosaga o le Ipu a le Pasefika i le pulu sa finau ai ma Tonga ma Fiti pe sao atu ai i le isi taamilosaga o le Ipu a le Lalolagi.
O lea ua toe tapena mo le isi laasaga o lea lava taamilosaga o le a fetaui ai ma Amerika i le faai’uga o lenei vaiaso i le Aso Sa i Amerika ae o le Aso Gafua lea i Samoa.
Faaalia e le ta’ita’i malaga i se faatalatalanoaga i le po anapo, e tatau ona tatou manumālō ai ma faamautū ai loa so tatou avanoa i le isi Ipu o le Lalolagi, peita’i a lē manuia e iai le isi laasaga e toe sa’ili ai se avanoa.
Se faatalatalanoaga ma le susuga ia Su’a Hesed Ieremia o le ta’ita’i malaga o le tatou ‘aulakapi o le Manu Samoa.
O loo fuafua o le ‘afa o le fitu i le taeao o le Aso Gafua o le vaiaso o muamua nei le taaloga a le Manu Samoa ma Amerika.
Manuia lau tapua’iga.
