E lata i le 300 tupulaga talavou o le atunuu sa latou patipatia le faamanatuina o le aso o tupulaga o lenei tausaga, ma le faamoemoe autū o le malo e ala mai i le Matāgaluega o Tinā ma Tama’ita’i Atina’e o Afio’aga ma Aga Fesoota’i, o tupulaga o le atunuu o le lumana’i manuia lea o le atina’e o Samoa.
O le Ofisa Sili o lea matāgaluega a le malo sa saunoa i le faailogaina o le aso o tupulaga le Samoa Youth Day.
Le afioga Loau Donina Tili Vaa le Ofisa Sili o le matāgaluega o tinā ma tama’ita’i, i se vaega o lana saunoaga autū e tatala ai polokalame o le aso o tupulaga talavou o lenei tausaga.
O le Aso Faraile nei e faia ai foi se polokalame mo tupulaga i lo tatou motu o Savaii.
