O se tala fiafia ua oo mai mo le alii taaalo a Samoa, o Caleb Clarke i le maua ai o tala i lona toe sainia ai o se konekarate ma le Iuni lakapi a Niu Sila, New Zealand Rugby ma sainia ai le faaauau ai ona ia taalo mo le ‘au a Aukilani, le Blues.
I lipoti mai le NZ Herald o loo faamauina ai o se tala fiafia tele lea mo le ‘au a le Blues ae o le ‘au tele a le atunuu le All Blacks, ona o le malaga ese ai o se tasi o sui o le ‘au le alii o Mark Tele’a i sana konekarate i Iapani.
O Caleb na amata lona olaga taalo faapolofesa mo le ‘au a le All Blacks, i le tausaga 2020, ma i ana taumafaiga, e 13 sikoa i totonu o le 28 taaloga, o le tausaga na te’a nei e 9 lelei ana taaloga poo tests na taalo ai e aofia ai ma malaga taamilo e 4, le Northern Tour tests e pei ona taaalo ai ma le ‘au a Egelani, Aialani, Farani ma Italia.
Faailoa foi le mitamitaga o le alii taalo Samoa e tusa ai ma le toe maua o lona avanoa e taalo ai mo Aukilani.
E 2 tausaga o le a faaauau ai ona taalo le alii mo Niu Sila.
Puna o Faamatalaga: https://www.nzherald.co.nz/sport/rugby/all-blacks/all-blacks-winger-caleb-clarke-re-signs-with-new-zealand-rugby-and-blues/YQFWUICO4JAL3MBHCDAKJNAS6U/
