E to’atolu ni alii Wairoa ua molia nei i le tulafono i le faia o ni soligatulafono matuiā, a o matāupu e lē fesoota’i poounrelated crimes.
O le tasi o alii, na tula’i i luma o le faamasinoga e tali i lona moliaga o le susunuina o se fale po o se mea aogā ma le loto i ai, poo le arson, i le mu ai o se fale i Frasertown i le po o le Aso Toonai.
Ta’ua e le Leoleo Su’esu’e Faapitoa, Satini Sinia poo Acting Detective Senior Sergeant ia Darren Pritchard na faaleaga atoa lava le fale.
Na tula’i le alii e 37 tausaga le matua i luma o le faamasinoga o Gisborne i le Aso Lua.
I le tasi o matāupu, na faamauina le lipotia atu i leoleo o le faalogoina ai o le pāpā o fana i Clyde Domain i le vaveao o le Aso Sa.
O lea lava matāupu na faamauina ai le lavea o se taavale na iai i totonu lē na faapāpāina le fana, faamaonia ma maliu le avetaavale ae o le alii na faatinoina le soligatulafono na manu’a mitimiti.
E 27 tausaga o le alii o loo aafia, ma ua molia nei o ia i moliaga e fesoota’i i a’upega malosi.
O loo fuafua e tula’i lenei alii i luma o le faamasinoga faaitumalo i le aso 25 o Me.
Ma o le tasi o matāupu o se alii na masalomia lona faalālā a’e o se a’upega mata’utia poo se fana i le itu o Ruataniwha Road i le aoauli o le Aso Toonai.
Ta’ua na maua ane e leoleo lenei alii 50 tausaga le matua i lana taavale ma taofia ai lava o ia.
Na tula’i o ia i luma o le Faamasinoga Faaitumalo o Gisborne.
Ua faamauina e tele ni moliaga o loo molia ai lea alii, e aofia ai le umiaina o a’upega mata’utia, ma ni matāupu e fesoota’i i fualaau faasāina.
Puna o Faamatalaga:
