Ua manu’ia mai nei le ono faatau atu o le Auckland Film Studios i nisi o tagata iloga o ata tifaga i Niu Sila nei ma Hawaii – o i latou o Cliff Curtis, Taika Waititi ma Jason Momoa
O lenei fale poo studio, e faamauina e onaina e le laulauafono a Aukilani- le Auckland Council ta lu mai le tausaga 2002. Ma ua tele ata tifaga ua faaaoga ai lenei studio; e aofia ai le ata o Xena, Avatar: The Way of Water, The Rings of Power, ma le ata o le A Minecraft Movie.
Ta’ua i ripoti mai le NZ Herald, na amata ona saili e le laulauafono nisi e mafai ona faatauina lenei fale,talu mai le 2022, ma le agaga ina ia pulea ma ave e se tagata- ma maua ai se siitaga i le tamaoaiga o le atunuu i lea fuafuaga pe tusa lea ma le 1.5 piliona.
Faamauina na resitalaina e le alii o Curtis le lua o kamupani o le —Auckland Film Studios GP Ltd ma le Ariki Group Ltd—i le amataga o le masina lenei o Setema- e pei ua faailo ai ua lalata lava ona mae’a faatino feutaga’iga.
E ui e lei maua se faamatalaga tonu i le mataupu e tusa ai ma seleni o loo faatuunai ai lea fuafuaga, peitai o lea ua faamaonia mai e le pulenuu o Aukilani Wayne Brown o lea. Ua iai se maliega. Ma ia faailo i ia ituaiga mataupu, e tāua tele le puleaina e tagatanuu i totonu o le atunuu nei fale nai loo nisi mai i tua.
Ta’ua i nisi o faamatalaga, o lenei fufuaga o le a telē lava le avanoa mo tagatanuu o Niu Sila, e atia’e ai lenei itu o galuega tau fai ata tifaga; e faamatalatala ai tala o tatou tagata ma e ono tele ai avanoa faavaomalo e puna mai ai.
