E 370 tausi soifua faamauina i tototonu o Aukilani, ua faailoa lo latou teena o fuafuaga ua tuuina atu mo nisi o galuega faaopoopo poo On-Call Shifts.

O le latou tetee ua faia i le lē faamalieina pea o i latou nei i o latou totogi, ma le tele o aafiaga o le lē lava o tagata faigaluega. 

Ua faamauina o falema’i o loo aafia o le falema’i o le Aukaland City, Starship ma Greenlane. 

I lipoti mai le leitio faavaomalo a Niu Sila, o loo tetee tausi soifua i le na o le 1 le pasene o le siitaga i le tausaga mo le 2 tausaga, i le faapea mai o tausi soifua ua matu’i lē lava lea vaega tupe, ma e lē gafatia lava e i latou le tele o vaega moomia i lea pasene ua fuafuaina pe a faatusa atu i le pagatia o loo iai i le taugatā o le soifuaga. 

Na amata faasolo mai le tetee lenei a tausi soifua mai le aso 26 o le masina lenei ma o le a faasolo aga’i atu i le aso 23 o Iuni.

O lona uiga e lata lava i le masina o le a faia ai le tetee a i latou e 370 o tausi soifua i Aukilani.

Puna o Faamatalaga: https://www.rnz.co.nz/news/national/562502/370-auckland-nurses-refusing-to-take-on-call-shifts-in-protest-over-pay-chronic-understaffing