Ua māua nei se lipoti, o loo molia ai se ulugalii, o le alii o Andrew Stewart Jones, 28 tausaga ma lona to’alua o Sepiuta Setaita Vave 38 tausaga le matua i lo faia ai o ni gaioiga taufaavalea, na maua ai le silia ma le 1 miliona le tupe na maua mai i ia gaioiga.
E tusa ai ma lipoti, o le seleni na o la maua mai i o la tauaiga, o uo ma ē la te iloa ina ua o la ‘ai’oi atu mo se fesoasoani, talu ai o loo moomia e i laua ni tupe mo togafitiga taugatā mo le gasegase o le kanesa, ma le lē iloa o loo pelogia i latou e lea ulugalii.
Ua ta’ua foi i lipoti, o loo iai foi isi moliaga faasaga ia Andrew ma Sepiuta e ese mai i lea moliaga tele, ma e faapea e $79,000 le aofa’iga o le tinoitupe na taufaavalea ai i nisi.
Na taofia faapagota i la’ua i Wānaka ma na maua ai foi e leoleo se laau malosi i lona ituaiga o 22 rifle, o ‘au’upega mata’utia e lē mafai ona umiaina e se isi ma le silia ma le 2000 o ututau i totonu o se kapoti.
Ua ta’ua nei e lata i le 10 tagata ua aafia ua faamauina nei i su’esu’ega ma o loo iai le talitonuga o le a faaopoopo lea numera.
Faamauina i lipoti, na faaaogā e lenei ulugalii seleni mai nai tagata e faatupe ai a la taavale taugatā, i ituaiga mai Europa.
O fale mautotogi eseese ma le tele o aseta.
Ua taofia uma nei e leoleo ia vaega.
