Ua māua le to’atele o tagatanuu o Aotearoa nei ua faaalia o latou finagalo i le lalolagoina ai o fuafuaga a le malo uafaataoto i le tapu ai o fanau e i lalo o le 16 tausaga ona toe faaaogā itulau poo upega tafa’ilagi o le social media i leatunuu.
Ae e ui i se maualuga o le numera o tagatānuu ae ua faaalia i se iloiloga a le leitio faavaomalo a Niu Sila, le eseese ai o finagalo a vaega faaupufai.
I faamaumauga, o le 57.8% o tagata Kiwi e lagolago, 31.6% e lē lagolagoina le fuafuaga, ma le 10.6% e lē o mailoa poo fea tonu e lilifa iai o latou finagalo.
Ae i le faatulagaga o tagata lagolago ma tagata palota mo vaega faaupufai i totonu o le atunuu, o loo manino le maualuga o le pasene o tagata na palota mo le vaega faaupufai a le National e lagolagoa le faama’ite e 75.1%.
O le ACT party, o loo maitauina le eseese o finagalo, e pei ona iai le 55.5% e lagolago, ae o le eseesega o le numera e matua’i tetee atu lava i le tapu o loo faatulaga nei.
Manatu nisi o sui e lagolagoina le ACT e matua’i lē talafeagai le fuafuaga, ma latou te iloa e lē taitai ona fetaui ma ‘anoalea tulafono taufaaofi ma o le a lē pasia.
Māua i faamaumauga, e 69.6% mai ia i latou e lagolagoina le NZ First ua siilima e ‘au ai i le fuafuaga ae o le 23.4% o sui e lē lagolago.
Ae e lalo mai le ‘afa o tagata na palota mo le Leipa ma le Green e ‘au ai i le tapu.
I faatulagaga i vaega faaupufai nei e lua o tagata o le Leipa e 46.7% e ioe, ae 37.1% e leai.
O le Greens e vaeluaina 43.7% tagata e lagolagoina ae o le isi 43.1% e lē lagolagoina.
O loo faasolo nei galuega faatino i le iloilo ai o tulafono ma ta’iala i lea matāupu e tauala atu i le Matāgaluega o A’oga.
Puna o Faamatalaga: https://www.rnz.co.nz/news/national/563087/rnz-reid-research-poll-majority-of-kiwis-support-social-media-ban-for-kids
