Pe tusa ma le to’a 19 sui fou sa tauva i lalo o le fu’a a le Faatuatua i le Atua Samoa ua Tasi, o lea ua manumālō mai i nofoa o o latou itumalo.
Mai faamaumauga na faalauiloa i luga o laupapa a le ofisa o faigāpalota ma faasalalau mai foi e ofisa faasalalau eseese na tautuaina le faigā filifiliga a le atunuu ananafi, ua maitauina ai le to’atele o sui fou a le Faatuatua i le Atua Samoa ua Tasi ua manumālō mai.
– Palauli 3
– Aana Alofi 2
– Salega 2
– Anoamaa 1
– Satupaitea
Nisi o sui fou o le Faatuatua i le Atua Samoa ua Tasi, ua manumālō mai i nofoa o latou itumalo
Mo Salafai lava ia e to’a 11 sui fou o le Faatuatua i le Atua Samoa ua Tasi o loo manumālō mai ai.
Mo Upolu, e to’a 8 sui fou o le Faatuatua i le Atua Samoa ua Tasi o loo manumālō mai nofoa o latou itumalo.
Mo sui tuai o loo toe foi mai, e to’a 8 i Upolu ae to’a 5 mai Salafai.
E le’i faamautinoa maia, ae o loo iai fāfātala e to’alua sui sa tauvā lava o ni sui tuto’atasi ma le faamoemoe e fia auai ane e lagolago i le vaega faaupufai a le Faatuatua i le Atua Samoa ua Tasi pe afai ae manumālō i le palota.
E to’a 21 sui fou sa tauva i lalo o le fu’a a le FAST e le’i manuia a latou taumafaiga, ae o le a tulimata’ia le faitauga aloa’ia i le Aso Gafua pe ono toe suia ai nei fuainumera uma e pei ona ta’ua o i latou ua manumālō ma i latou ua malolo.
