O le vaiaso nei o le a tuua ai le atunuu e se ‘aumalaga o leoleo poo malu o le malo e to’aono e aofia ai se tama’ita’i leoleo e to’atasi.
O le ‘aumalaga lona tolu lea o leoleo mai Samoa talu le tuana’i ai o le pepesi o le faama’i Koviti-19, aua tiute o le puipuiga o le filemu a Malo Aufaatasi.
O le a galulue i latou i le atunuu o Sudan i Saute poo South Sudan.
O malu o le malo ua filifilia mo tiute o le puipuiga o le filemu i lea atunuu o le leoleo detective o loo umia le tulaga faaleoleo o le Satini sinia, susuga John Faanuualii, o le satini sinia o Shrikrishna Schwenke, o le satini o Vitolina Niko, satini Penehuro Paniani ma le leoleo satini o Lijay Solofa.
O le Aso Faraile na te’a nei sa faamavae atu ai le pulega o le matāgaluega o leoleo, falepuipui ma le toe fuata’ina ia i latou ma ave iai apoapoa’iga a le Komesina o leoleo, ina ia tautuanā le igoa ta’uleleia o Samoa ma le matāgaluega.
O le Aso Lua o le a tuua ai Samoa e lea ‘aumalaga o malu o le malo.
