Ua taofia nei leoleo ni tagata se to’alua, i se tasi o matāupu na ave faagaoi ai e i la’ua nei se taavale ma o la soso’aina ai le tele o taavale, e aofia ai ma se taavale a leoleo na paka i le nofoaga o le Warehouse i Takanini.  

Māua i lipoti mai le leitio faavaomalo a Niu Sila, na uma ona faia lea gaioiga ona sosola ese lea.

Na amata tuliloa atu i la’ua nei i Pukekohe se’ia pā’ia nofoaga e lata ane i Ramarama.  

Ua faamauina le faaaogāina ai foi e leoleo sa latou helikopa, le Police Eagle e fesoasoani i le galuega tau sa’ili o le itu ua oo atu iai le taavale.  

Ta’ua i lipoti, o se alii ma se tamaitai na faia nei gaioiga faasolitulafono, ma i le maua ai o i la’ua na maua ai nisi o oloa na la gaoia.

Puna o Faamatalaga: https://www.rnz.co.nz/news/national/561145/eagle-helicopter-tracks-stolen-car-after-ramming-police-in-south-auckland