Ua lipotia mai nei e le ofisa o leoleo, le maliliu ai o ni tagata se to’alua ina ua goto se vaa na aga’i atu ai i se tasi o nofoaga e lata ane i Pātea i Taranaki i le amataga o lenei vaiaso.
Ma i lipoti, e iai talitonuga a leoleo o le tasi o tagata na malemo ma maliu ai i lea faalavelave o se tamaitiiti 6 tausaga le matua.
Ta’ua e to’atolu i latou na aga’i i le vaa i le taeao o le Aso Sa, ma a o aga’i atu lo latou sa i le faaitu o Pātea ae mafuli loa ma le vaa.
Māua o lea itu o le Pātea Bar, o se tasi lea o faaitu e ese le mata’utia pe a oo ina tatafe le vaitafe.
Na faato’ā toe maua tino o tagata e to’alua, e lata i le aoauli o le Aso Sa, ae o le tasi o tagata e to’atolu na aga’i i le vaa na ave atu faatopetope i le falema’i mo togafitiga.
Na faamanino foi e le pulenuu o itu i Saute o Taranaki, ia Phil Nixon e iai lava taimi e lē saogalemu ai le vaitafe e tusa lava pe lē o tatafe le vaitafe.
Na ia faafetaia foi tulaga o le tali atu o auaunaga o faalavelave faafuase’i ma i latou uma na ofo atu le latou fesoasoani e sa’ili tagata na leiloa mai i le vaa.
Na faamaonia mai e le vaega a le Coastguard na faatumu e i latou na aga’i i le vaa se pepa faatumu i le aga’i ai i le Pātea Bar ma e māua sa mafai lava ona mata’itūina atu le vaa e oo lava i le taimi na mafuli ai.
Puna o Faamatalaga: https://www.rnz.co.nz/news/business/564212/why-you-can-t-deposit-cash-into-someone-else-s-account-at-the-bank
