E faitau afe le au solo tetee ua potopoto ane i le laumua o Thailand o Bangkok e valaau i le Palemia ua tatau ona faamavae.
Ua mafua lea tulaga ona ona ua liki mai faamatalaga o se talanoaga sa faia a le Palemia o Paetongtarn Shinawatra ma le sa avea ma ta’ita’i o Cambodia o Hun Sen, se talanoaga sa faia i luga o le telefoni.
E lē o auiliili mai i le lipoti a le BBC faamatalaga na faia i luga o le telefoni ae ua ta’ua ua mae’a faatoese ai le Palemia peita’i ua faailoa le lē fiafia o tagata.
O le solo tetee sa faatino foi i le Aso Toonai na te’a nei ua ta’ua e to’atele na auai ai, fai mai lo latou ta’ita’i ua tatau ona aga’i ese le Palemia mai le tofi ona o ia tonu lea o loo fai ma faafitauli.
O le Palemia o se tamaita’i faato’ā 38 tausaga ma o le afafine o le Palemia sa iai foi muamua lea na aveesea ma le atunuu mo le silia i le 10 tausaga.
Puna o Faamatalaga: https://www.bbc.com/news/articles/ceq7glqzr53o
