Ua faamālōlō lē tumau e le Faamasinoga o le Faavae a Thailand le Palemia o le atunuu, Paetongtarn Shinawatra lea na auina atu ai le lipoti i le vaiaso talu ai ua valaau ai le to’atele ua tatau ona faamavae i le mae’a o le liki ane o faamatalaga mai sa la telefoni sa faia ma lē sa avea muamua ma ta’ita’i o Cambodia o Hun Sen.

Ua atagia mai i le lipoti a le BBC i le asō nisi o faamatalaga e faatatau i le matāupu lea ma ua faailoa ai sa upuia e le tama’ita’i Palemia se tasi o ta’ita’i’au ua mafua ai le tele o faaseā mai tagata lautele.

O le taimi nei o loo iloilo e le faamasinoga le matāupu lea i le taimi nei ae ua tuuina ane le faai’uga e faamālōlō lē tumau.

Mo le taimi nei o le Sui Palemia ua avea nei ma ta’ita’i o le atunuu ae e tumau pea le Palemia i le Kapeneta.

Fai mai le lipoti o le talanoaga i le telefoni sa faatatau i le vevesi o loo tula’i mai i le tuaoi o atunuu e lua e ui o se matāupu ua autausagā peita’i ua toe laga ina ua fasiotia se fitafita Cambodia i le masina o Me.

O le Palemia o Paetongtarn 38 tausaga le matua, o le Palemia aupito talavou lea ua iai o le atunuu ma o ia le tama’ita’i lona lua ua tula’i mai i lea tofiga.

Puna o Faamatalaga: https://www.bbc.com/news/articles/c9vrrj72xy7o