Ua teena i luma o le faamasinoga e se kulupu, o ni alii moliaga o le fasioti tagata ma le loto iai (murder) ma le moliaga o le susunuina ma le loto iai o se fale poo le arson.
O lea matāupu, e faamauina o loo tuua’ia i latou i lo latou susunuina o se fale i Upper Hutt ma maliu ai se tamā e 82 tausaga le matua.
O le tamā na aafia e suafa ia Ian David Moller ma e faapea na matua’i tugā lava manu’aga lea na maliu ai lava o ia i le 4 ai o aso mulimuli ane talu ona tula’i mai lea faalavelave.
E ta’i 20 aga’i le 30 tausaga le matutua o ē o loo molia ma tuua’ia nei.
Ta’ua o le to’atolu o loo molia i moliaga uma e lua e pei ona faaalia, ae e to’atasi o loo molia i le na o le susunuina ma le loto iai o se fale poo le arson.
Na folasia a latou tali tetee i luma o le Faamasinoga Maualuga i Ueligitone, ma o loo taofia nei le faalauiloaina o o latou igoa se’ia oo i le toe valaau ai o lea matāupu e tusa ma le talosaga o le faaauau pea ona tapu o le faailoaina o igoa i le masina o Oketopa.
Puna o Faamatalaga: https://www.rnz.co.nz/news/national/567751/group-plead-not-guilty-to-killing-ian-moller-in-house-fire
