O le asō, Aso Lulu lea na tula’i ai luma o le Faamasinoga Maualuga i Aukilani, le alii o loo tuua’ia i le maliu o se tinā matua i lona fale i Papatoetoe i le aso 9 o le masina talu ai o Aokuso.
Na tetee lenei alii i ona moliaga, ma ua faatulaga ai nei e le faamasinoga le aso o le a amata faagasolo ai lenei matāupu.
E 50 tausaga le matua o lenei alii, ma o lenei faalavelave o loo tuua’ia ai i lona fasiotia o le tinā matua ua 84 tausaga o lona soifua, le tinā ia Joan Beale, i lona fale i Papatoetoe.
Ua faatulaga nei lona faamasinoga e amata i le aso 28 o le masina lenei o Setema ma ua fuafua e faagasolo mo le tolu vaiaso.
O loo tapu le faailoaina faalaua’itele o le igoa o lenei alii, ma o loo taofia nei o ia i le vaaiga a leoleo e faatali ai le aso e tula’i ai i le faamasinoga.
Puna o Faamatalaga: https://www.rnz.co.nz/news/national/572624/man-denies-murdering-woman-in-her-80s
