Ua faailoa e Saina e le o iai so latou naunautaiga i ni tauvaga i mataupu faa-le-siosiomaga ma le polokiki i le latou galulue faatasi ai ma atumotu o le pasefika.
O le tali ane lea a le ofisa o Saina i Fiti i le lipoti sa agiga i le vaiaso talu ai ua ta’ua ai se faamatalaga na faia a le Palemia o Fiti o Sitiveni Rabuka e faapea e le taliaina ni nofoaga faamiliteli a Saina i le itulagi.
O le faamatalaga a Rabuka na faia i le au tusitala i Canberra i le feiloaiga a le National Press Club, na faailoa ai e Rabuka o Xi Jinping o se taitai lelei o Saina ae a o avea ia ma taitai o Fiti o le a matuai leai lava se aatagaga e faia ai se nofoaga faamiliteli a Saina i le Pasefika.
Taua i le faamatalaga mai le ofisa o Saina i Fiti e sesē faamatalaga e faatatau i sea nofoaga faamiliteli ma o Saina latou te vaai i le Pasefika o ni uo lelei, paaga lelei ma ni uso lelei foi.
Puna o Faamatalaga: https://www.rnz.co.nz/international/pacific-news/566193/china-rejects-false-narratives-on-pacific-military-base-claims
