O lea ua taunuu le vaega 24 o foma’i mai le atunuu o Saina e galulue i le matāgaluega o le soifua mālōlōina, ma ua aofia ai nisi o foma’i e faapitoa i gasegase o le fatu, ma foma’i mo isi auaunaga o loo mana’omia e le tautua a le soifua mālōlōina.

O le Palemia o le malo tausi na ia faafeiloa’i le vasega fou o foma’i mai Saina ma o lana saunoaga faafeiloa’i na faafetai ai foi i le vaega 23 o foma’i mai lea atunuu ua toe malaga ese ma Samoa ma ua toe foi i Saina ina ua mae’a le 13 masina sa galulue ai i Samoa.

O se tasi lea o fesoasoani a lea malo i le faiga paaga faavaomalo ua atoa i le tausaga nei le 50 tausaga.