Ua taunuu i o tatou laufanua le ‘au masii lakapi liki a tama’ita’i Apoliti ma le motu o Torres Strait i Ausetalia i le faamoemoe e faia ni ana taaloga ma nisi o auakapi liki a tama’ita’i o le tatou atunuu.

Ua faailoa i se pepa o faamatalaga o le Aso Lulu o lenei vaiaso le latou taaloga muamua i Lotofaga ona malaga ai lea i Savaii mo nisi o a latou taaloga.

Ua 3 tausaga sosoo o siamupini lea aulakapi liki a tama’ita’i i taamilosaga i totonu o Kuiniselani, ae o le valaaulia a le pulega o le lakapi liki a Samoa ua māfua ai ona afea lo tatou atunuu i le vaiaso muamua o lenei masina fou o Setema.