Ua faamaonia mai nei le taunuu ai i totonu o Sasa’e Tutotonu o le vaalele tau, o le Royal New Zealand Air Force C-130J Hercules a le atunuu, e pei ona tuua Niu Sila e fesoasoani e taumafai lea e aveese mai le to’atele o tagatānuu poo sitiseni Niu Sila o loo māua le iai pea i totonu o le atunuu, a o iai atunuu o Isaraelu ma Iran i taua ma fevaevaea’iga.
I se tala lata mai i le asō, o loo tālia e sui o le NZDF na malaga atu mo lea galuega tāua mo soo se vaega lava, pe a tuu atu se faamatalaga ia i latou e tusa ai ma gaioiga e faatino i le taimi e moomia ai.
Faailoa e le lutena kolone “LTCOL” Thomas Kelly, Senior National Officer, le telē o lenei galuega, ma o loo latou iloilo lelei itu uma o le galuega e pei ona aga’i atu ai le to’atele o sui, ma o loo latou galulue soosoo tau’au ma sui o le Matāgaluega o le Va i Fafo, e tali atu i tagatānuu o loo moomia le fesoasoani ma ia vave faatino galuega fesoasoani mo i latou ua iai i se tulaga ma’ale’ale.
Puna o Faamatalaga: https://www.nzdf.mil.nz/media-centre/story-collections/support-to-middle-east-deployment/
