O le faai’uga o le vaiaso na saunoa ai le ta’ita’i o le usugafono a Samoa i le tauaofiaga lona 80 a Malo Aufaatasi, lea na avea o se tasi o matāupu sa laualuga i le saunoaga a le afioga i le Sui Palemia, afioga Toelupe Maoiautele Poumulinuku Onesemo le valaau atu i malo malolosi e 35 o le lalolagi o loo pito tele lo latou sao i le faaleagaina o le osone, i le tatau ona galulue faatasi ma atunuu uma e sa’ili fofō i polokalame e faafetaui ai suiga tetele o le tau.
Na saunoa le Sui Palemia o le malo o Samoa ma ia faailoa i luma o Malo Aufaatasi o atunuu o le vasa Pasefika e aofia ai Samoa o loo feagai i aso uma ma lu’itau o suiga o le tau, ma na faailoa ai foi e le Sui Palemia e lē o toe mamao ae faailoa se isi taumafaiga a Samoa e tali atu ai i suiga tetele o le tau.
Le afioga i le Sui Palemia o Samoa i le fono lona 80 a Malo Aufaatasi o loo usuia i le aai o Niu Ioka i Amerika
