Ua faaalia nei e nisi o au su’esu’e le tau sa’ilia ai o se tamaitiiti aoga mai Amerika, na leiloa mai i le faaitu o Palmerston North.
I lipoti na faamauina ua atoa nei le vaiaso e le’i toe maeua e uo ma aiga se faamatalaga e tusa ai ma le itu o loo iai le alii o William Henry Johnson.
I molimau a uo a William, o le taimi mulimuli lava na maua ai tala mai le alii mai le va o le aso 30 o Me ma le aso 1 o Iuni i le faaitu o Takaro.
Ae ta’ua e le ‘au su’esu’e o le taimi mulimuli na faafesoota’i ai William ma lona aiga o le aso 5 o lenei masina.
Ma e le’i toe maua lava se fesoota’iga ma le alii 24 tausaga le matua.
Faaalia ai popolega o le aiga mo le saogalemu ma le mālōlōina lelei o lenei alii.
Ma e faapea o se taimi muamua lea ua lē maua ai so latou fesoota’iga ma o le tatalo ina ia ia vave maua si o latou atalii.
Ua faamauina le aga’i mai ai o le tinā o William mai Seattle Amerika, ma ua ta’ua foi le amata ai o sa’illiga mo lea atalii.
Puna o Faamatalaga: https://www.rnz.co.nz/news/national/563711/us-aviation-student-missing-from-palmerston-north
