Ua talosagaina mai e le Matagaluega o Leoleo tagata lautele mo se fesoasoani i le galuega faatino i le sailia ai o le teineitiiti 14 tausaga, ta’ua na mulimuli vaaia i le Aso Tofi talu ai i Aukilani.
O Skyla Cannon, 175cm le umi ma e aoga i le Kolisi Maualuga i Albany o lea lava o loo tausailia e le gata e lona aiga ae faapea le ofisa o leoleo.
Ona ua fai sina umi e lei maua Skyla, o lea na faalia ai popolega a le Matagaluega o Leoleo, i se tulaga ua oo iai le teineitiiti.
Faamauina i ripoti o le taimi mulimuli lava na vaaia ai Skyla pe tusa le o le itula e valu i le taeao o le Aso Tofi, i le maea ai ona momoli ma tuu i le aoga, ma e faapea na ia toe tuua le aoga e lei taina le itula e 9 i le taeao lava lea.
Fautuaina le mamalu o le atunuu, loo mafai ona faafesootai leoleo I le 105 poo le agai i luga o upegatafailagi pe afai e iai se tasi o silafia ni faamatalaga e faatatau ia Skyla.
Puna o Faamatalaga: http://Police ask public’s help to locate 14-year-old missing since Thursday | RNZ News
