Ua lipotia mai le tau sa’ilia ai e leoleo o se pasika, na aveese e se tasi mai le nofoaga na tula’i mai ai se faalavelave i nai aso ua tuana’i atu.
Faamaonia e leoleo o lea pasika na malaga atu ai se alii 25 tausaga le matua, na lavea ina ua ia feto’ai ma se taavale na paka i le auala o le Seafront Road, Castlecliff.
Ma na maliu lava lē na aafia i le nofoaga na tula’i mai ai le faalavelave.
O lea faalavelave na tula’i mai i le amataga o lenei vaiaso i le Aso Sa poo le 10 minute e te’a ai le 4 i le afiafi.
Māua i lipoti o nisi e ti’eti’e pasika foi na aveesea le pasika a lē ua maliu a o le’i oo atu iai fesoasoani muamua poo first responders a le vaega ole Emergency Services e tali atu i le faalavelave i lea afiafi.
Ua talosagaina ai e leoleo le mamalu lautele o lea faaitu o Castlecliff mo se fesoasoani i ni faamatalaga e tusa ma ē na aveesea le pasika.
Ua faamaonia mai foi e leoleo le aga’i atu o lo latou ofisa e talosagaina aiga o loo iai meapu’eata CCTV camera i o latou maota ma laoa ina ia tau sa’ilia ai ni faamatalaga e faatatau i tagata ua o latou faia lea gaioiga.
Ua fautuaina le mamalu ina ia vave faafesoota’i atu lo latou ofisa i le numera 105 pe a ua mautinoa ni faamatalaga e faatatau i ē na aveesea le pasika.
Puna o Faamatalaga: https://www.1news.co.nz/2025/05/28/appeal-for-witnesses-after-motorcycle-taken-from-scene-of-fatal-crash/
