O loo faaauau pea sa’iliga a leoleo i tagata o loo masalomia o loo aafia i le matāupu na aafia i se feeseesea’iga i le aai o Hamilton i le faai’uga o le la vaiaso.
E tusa ma lipoti, e lē gata ina sa’ili tagata ae o loo sa’ili ai ma ni ‘au’upega mata’utia.
Na valaau ifo le ofisa o leoleo mo se fesoasoani i le taulaga ina ua vevesi ni kulupu se lua.
E to’afā ni tagata na faamanu’alia i lea vevesi, e aofia ai se alii talavou 20 tausaga le matua, na lipotia mai na maliu i le falema’i.
Ta’ua o le isi to’atolu, e faaalia o nisi e manu’a mitimiti o le tasi e tugā manu’aga.
Māua i lipoti mai le RNZ, e masalomia na tatui i latou nei se’i tulou.
Ua amata faasolo nei su’esu’ega a malu o le malo, e tusa ai ma lea matāupu.
Ae faaalia e nisi o molimau na tupu lea matāupu a o tumutumu ai le to’atele i le mae’a ai o le taaloga i le va o le All Blacks ma Farani.
Faamanino e le ofisa o leoleo o le a iai pea leoleo i nei faaitu ma o le a faaauau pea petolō auā le mata’itūina o ia itu aemaise o le saogalemu o tagata lautele.
Puna o Faamatalaga: https://www.rnz.co.nz/news/national/567509/police-hunt-for-people-weapons-after-in-fatal-hamilton-fight
