O le a tau fai taaalo uma le ‘au a tamaitai a Niu Sila i le soka faapea foi ma le ‘au a le itupa o alii ma ‘au mai Farani i le Olimipeka i Farani i le tausaga nei.
O le faamaoniga ua tuuina mai i le asō ma o le a taaalo foi le ‘au a alii Niu Sila ma le ‘au a Amerika ma se ‘au o le a malo mai i le taaloga i le va o Guinea ma se ‘au mai le Atu Asia i le latou pulu.
O le ‘au tamaitai a Niu Sila ua faatulaga e taaalo foi ma Kanata faapea ma Colombia.
O le faaiuga o Iulai e amata ai le taamilosaga lea i Paris.
