Ua faamaonia mai e le SkyCity o lea ua faasala tupe ia ona o le faaauau pea ona solia tulafono o loo aiaia ai le faatautaia o ana auaunaga.
O tulafono nei o le Anti-Money Laundering ma le Countering Financing of Terrorism Act 2009 ma o le va o Fepuari 2018 ma Mati o le 2023 lea e faapea na soli ai.
I luga o le NZX ananafi na faailoa ai e le pulega o le casino o lea ua faasala ia e le faamasinoga maualuga na te totogia le $4.16 miliona ma e tatau ona tuuina atu i le matagaluega o le va i fafo i totonu o le 15 aso.
Ae i se tali mai a le sui o le matagaluega, o se fiafiaga le faalogo atu ua talia e le SkyCity lona sese i le faatautaiga o lana auaunaga, ma o le mea moni e lē tatau ona talia e le casino tupe o loo maua i auala faasolitulafono, poo tupe eleelea nei o loo faalafi ai.
O le faasalaga mai le Faamasinoga Maualuga ua tuuina mai ona o tupe e faaofi mai faasolitulafono, e ese mai lea i le isi foi faasalaga lea na tapunia ai le casino i Aukilani mo le 5 aso i le amataga o le masina.
Puna o Faamatalaga: SkyCity to pay $4.16m penalty within 15 days (1news.co.nz)
