Ua faailoa e le Faamasinoga Maualuga i lana faai’uga i le talosaga sa faaulu atu e le Komesina o faigāpalota mo se faasinoala i se taimi faaopoopo e tapena ai le faigāfilifiliga aoao a le atunuu, o loo manino le laina e tasi o le tulafono faavae i le vaega 64, e tatau ona faatino le isi palota tele i totonu o le 3 masina mai le aso e faatuua pe faata’ape ai le fono aoao faitulafono.
Ua faaalia foi i le faai’uga o le agaga o lea vaega o le tulafono faavae ia faatino le faigāpalota aoao i totonu o le 3 masina e tusa pe ua mae’a le taimi faatulagaina o le paeaiga faapalemene poo le tulaga ua tula’i mai nei, e pei ona faamuta le paeaiga ae le’i mae’a le 5 tausaga.
O se isi galuega a se paeaiga o sosoo ai a le Palemene e pei ona faailoa i le faai’uga, o le silasila i aiaiga o le faavae ma le tulafono o faigāpalota i vaega ua faailoa ai atugaluga o le Komesina o faigāpalota e pei o le 6 masina e tapena ai le faauluina o sui faatutū, ma le aiaiga o le faavae e tatau ai ona faia le palota aoao i totonu o le 3 masina.
Le Komesina o faigāpalota le afioga Toleafoa Tuiafelolo Alexander John Stanley i sona finagalo ina ua mae’a ona aumai le faai’uga a le Faamasinoga Maualuga.
