O sailiga seleni talu ai nei a le Kolisi a Vaimauga, faatasi ai ma le fesoasoani tupe e silia i le fitu selau afe tala mai le Malo o Iapani sa fausia ai se maota tele poo se hall o lea kolisi, o le amataga o lenei vaiaso na umusa ma tatala aloaia ai le galuega.
O le taualuga foi lea o taumafaiga a le Komiti, le pule ma le vasega o faiaoga aemaise le fanau e tagi i lima se seleni faaopoopo e faamae’a ai le galuega ina ua siitia le tau o oloa faufale ma lē fea’ua’uta’i ai le fuafuaga tau tupe sa faataoto e mae’a lelei ai le galuega.
O le sui o le Malo o Iapani i Samoa sa ia tauaao le galuega i le Komiti, le pule ma faiaoga faapea fanau a le kolisi i se sauniga na aloaia ai le mae’a o le hall.
O le sui o le fono a sui tofia afioga Le Mamea Ropati ma lona faletua faapea le Sui Palemia le afioga Tuala Tevaga Iosefo Ponifasio o malo valaaulia ia sa faatumutumu iai mamalu na auai i le umusaga o le galuega.
