O le aveesea o aiaiga faaletulafono sa faamalosia ai le tatau ona aga’i o tagata palota o alala i Upolu i o latou itumalo i Savaii e palota ai, o se suiga lelei lea i le faigāpalota tele o loo loma nei auā o le a mafai ona palota i soo se falepalota.

O se suiga o le a taofia ai le taumafai e maua se avanoa i le vaa ma pu’e le pasi i Salelologa ma tilitili alualu e fia fai lana palota.

O le palota tele o le 2021 sa iai faaletonu na tutupu e mafua i lea tulaga.

O nisi na maua le vaa ae taunuu i Salelologa ua lē maua se auala e aga’i ai i itumalo e fai a latou palota. 

Le Komesina o faigāpalota le afioga Toleafoa Tuiafelolo Alexander John Stanley.