Search
Search

Tatala aloaia le ofisa o le Fono Faavae a le Itumalo Aana Alofi 3

O se tasi lenei o itumalo ua mae’a fausiaina lona maota e faatino ai galuega auā atina’e mo le itumalo ma ona tagata lea na tatalaina i le asō.

O lenei faamoemoe sa saunoa le Minisita o le Matagaluega o Tina ma Tamaitai e tusa ma lenei poloketi.

“O le tamaoaiga o Samoa ma ona tagatanuu o loo i o tatou lava lima o le ā le uiga o lenei mau, o le aofia lea o tagata uma i le atinaega o lona tamaoaiga, siitia le soifua manuia o tagata taitoatasi e ala i ana polokalame faatino mo le lumanai manuia o le atunuu.

“O le tatalaina o lenei maota mo galuega faatino a le itumalo o se laasaga tāua e agai atu ma fesootai ma atinae tāua ma ‘anoa auā le itumalo ma ona tagata.

“O le fautuaga a le Malo ia faatino outou faiva e tusa ma taiala a le Malo a ia manatua o tatou tagata ia ave iai le faatāua ma le faamuamua e ala i tou galuega faatino.

“Ia aua ne’i ma’imaua avanoa o loo tuuina mai e le Malo i vaivaiga o le soifuaga nei ia faatupulaia ni faamaite e siitia ai le soifua manuia o aiga ma nuu ia avea ma faataitaiga outou i isi itumalo e pei ona molimau ai i le tulaga o le faamatagofieina o tafāla, o fua o faaeleeleaga, o faiva, ae manuia o se molimau lea o lo outou taupati e atina’e o outou aiga ia manuia.”

O lenei galuega sa faatino lea i le ono vaiaso ma sa tele foi ni vaega sa fai ma tutaia ai le faagaioiina o le galuega e pei ona ta’ua e lē sa nafa ma seleni o lenei poloketi ia Sinaifoa Sooaemalelagi.

“O le tausaga 2022, e $200,00 sa tuuina mai e le Malo e faagaioi le ofisa ma fausia ai le ofisa, ae sa tuai ona faagaioi le galuega ona o nisi tulaga faaletulafono o le eleele o loo fausia ai lenei maota.

“O lenei galuega na tauofo i totonu lava o le itumalo ona o le matou lava ia faamoemoe ia mulimulitai lava ia palasi lava le seleni o loo tuuina mai i totonu lava o le itumalo.”

O le ofisa ua mae’a fausia o le a fai lea ma maota e faagaioi ai galuega faatino a le itumalo faapea ai ni mataupu e moomia ai le fesoasoani a tagata o le itumalo.

Tala sili ona faitaulia

TALA FOU MAI SAMOA

SAMOA UPDATE

PODCASTS

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required