E to’alua ni sui talavou a Niu Sila, ua faamaonia le sauni atu mo taaloga faavaomalo o le Badminton o loo loma nei.
O le tamaitai talavou ia Amy Wang o (North Harbour) ma le alii o Lucas Qin o (Waikato), ua fai ma avefu’a a Niu Sila mo le International Badminton U16 SHONAI Invitational 2025 e faatautaia i Iapani i le aso 28 ma le aso 29 o Iuni.
Ta’ua o le a tauvā i la’ua nei ma nisi o talavou iloga i le taaloga mai le lalolagi e aofia ai Saina, Korea, Denmark, Meleisia ma Farani.
Faailoa le tāua tele o lenei avanoa mo sui a Niu Sila, aemaise o le maua e i laua nei o le avanoa e saga faalaua’itele ai o la tomai aemaise o le mafai ona taaalo i le maualuga ua iai le taaloga i lona tulaga faavaomalo.
E faatautaia lenei tauvaga tele mo tupulaga talavou i Tsuruoka, Yamagata.
Puna o Faamatalaga: https://badminton.org.nz/news/2025/06/young-kiwis-ready-for-japan/
