O loo tapena e le faletua o le Palemia, Amanda Luxon se inugati mo tina ma tamaitai ma le faamoemoe o se suegatupe.
O lea ua valaau e le faletua tina ma tamaitai mai le itumalo o Botany, poo le itumalo o loo tulai mai le Palemia ma e $110 i le tagata e toatasi.
O se suegatupe o loo faia mo le pati a le National, ma i le faamatalaina e le imeli o lea inugati o se avanoa o le a feiloai ai tina ma tamaitai i le faletua o le Palemia ma talatalanoa.
O Dannemora lea e faapea o le a faia ai, ma ua molimau mai foi le sooupu a le National e tusa ma lipoti a le Herald o suegatupe faapenei e fesoasoani lea i faiga faatosina i taimi o faigapalota.
O le National o le pati aupito i maualuga ana tupe maua mai foai i le va o le 2021 ma le 2023, lea e faapea e silia ma le $9 miliona, ae i totonu lava ia o le 2022 e $5 miliona.
