I le lua o faigāpalota aoao sosoo a Samoa ua lē toe filifilia le vaega faaupufai e puipuia aiā tatau a tagata e avea ma faigāmalo, o le faaauau pea poo le faaseetuāgalu o le sui faipule o Lepa mai le tulaga o le ta’ita’i o lea pati faaupufai, o se matāupu o loo laualuga nei i se fono a le faafaletui.
O le feiloa’iga a tusitala i le vaiaso ua mavae ma le ta’ita’i o lea vaega faaupufai le susuga Tuilaepa L Sailele Malielegaoi, sa fesiligia ai e se tusitala faatatau i le tofiga ta’ita’i, ma fuafuaga i le aga’i i luma o le vaega faaupufai.
Na manino i le tali a Tuilaepa i le gagana peletania e le faamavae ae ua ia faaalia o se matāupu o le a taatia atu i le faafaletui.
Ua 27 tausaga talu mai le tausaga e 1998 o tusiaao pea le pati e puipuia aiā tatau a tagata i le faipule o le itumalo o Lepa susuga Tuilaepa L Sailele Malielegaoi na te tauave le ta’ita’iga o le vaega faaupufai.
