O le Minisita o galuega tetele o le malo tausi le tofa Olo Afoa Fiti Vaai, o le a ia tuua le tofi faipule o le Palemene ina ua lē manuia i le faigāpalota i le faigā filifiliga a lona itumalo o Salega 2, ae o se tamalii ua 20 tausaga o tautua i upufai o le malo o Samoa.

O se tasi o sui faipule sa avea ma sui lagolago o le vaega faaupufai o le Tautua Samoa, le patī o le Samoa Temokarasi Tutu Faatasi poo le SDUP, ae o le paea’iga lona 16 a le Palemene mai le 2016 i le 2021 sa avea ma faipule tuto’atasi.

Na filifilia e tauva i le vaega faaupufai o le Faatuatua i le Atua Samoa ua Tasi i le palota tele o le tausaga e 2021 ma toe filifilia ai ma tofia ai e avea ma minisita o le Kapeneta. 

Ua faailoa e le tofa Olo o lona malolo i le faigāpalota ua mae’a atu nei, o se avanoa lea mo ia i lona aiga.

Ua ave ana faamanuiaga i le sui ua tula’i mai i le tofi o lona itumalo le afioga Leilua Sagato Karene.