E 11 faleoloa e faatauina ai ‘avamalosi i totonu o Aukilani ua taofia mo se taimi lē tumau le faaaogāina o a latou laisene e faatau atu ai ‘avamalosi i le lautele.

Ina ua maua lo latou solia ai o aiaiga ma tulafono, talu ai lo latou faatauina atu o ‘avamalosi i fanauiti.

Ma na faia ia gaioiga a o aga’i atu se asiasiga a sui o le puleganuu ae maua ai o faatau atu e faleoloa nei le ‘avamalosi i fanauiti.  

O faleoloa o loo aafia e aofia ai Black Bull Northcote, Simply Fresh (Hillcrest), Bottle O Mt Smart ma isi.  

E 48 itula aga’i i le 7 aso e faasala ai le faleoloa, e fua lea i aafiaga o a latou aiaiga.

O le faleola ua ta’ua o le Good to Go ua maua lo latou taulimaina o se tusi e faaailoa atu ai le taofia lē tumau o le latoulaisene mo le 21 aso, ona o le tele o aiaiga ma ta’iala i lalo o tulafono o le faatauina atu o ‘avamalosi ua o latou solia.  

O le asiasiga na faasolo na auaufaatasi ai sui o le puleganuu ma le Soifua Mālōlōina, ma ua o latou faailoa, e moomia ai ona limata’ita’iina lelei faleoloa nei, aemaise ia o lo latou uia o faiga faavae, o aiaiga ma tulafono ina ia mafai ona latou tali atu i aafiaga o le tagofia o le ‘avamalosi i fanauiti, faasolo atu i tupulaga talavou.    

Ua faamauina le ogaoga o se faasalaga e ono oo i faleoloa ae toe maua le solia o ia tulafono, i lalo o tulafono faatonutonu o le Sale and Supply of Alcohol Act 2012.

Puna o Faamatalaga: https://www.rnz.co.nz/news/national/563074/bottle-shops-caught-selling-alcohol-to-minors