O loo nofo taofia i le vaaiga a leoleo se alii sa malaga mai fafo mo ni fuafuaga a lona aiga i Samoa, e mafua i se tusi saisai sa faatonuina e le faamasinoga, ina ua lē tula’i Fiu Situta Lomitusi e tali ona moliaga tau i le umia o nakoti poo fualaau faasāina.
Faaalia e leoleo sa taofia muamua lea tagata i ni solitulafono o loo tuua’ia ai i ni ana faasalalauga i luga o le api o foliga lea o loo tagi ai ni tagata sa aafia i ia faasalalauga.
O Tama o le Eleele o loo iloa ai Fiu Situta Lomitusi i ana faasalalauga i fesoota’iga televavave faaonaponei.
Sa tatala i tua ina ua mae’a ona molia i lea matāupu ae na toe taofia i le faai’uga o le vaiaso ona o le tusi saisai.
