Ua taofia nei fuafuaga o le vāea tele a le Matagaluega o Aoga ona o lea ua ave i le tulafono, ma o lona uiga e ono iai le avanoa e toe faafoi uma ai talanoaga i le amataga.
E silia ma le 700 avanoa faigaluega na faailoa mai ua faia iai le faaiuga a le Matagaluega o le a vāea a o iai i tulaga o tupe faasao mo le malo.
Peitai ona o lea ua ave e le asosi a le PSA, Public Service Association agai i le pulega e iloiloina galuega, Employment Relations Authority, ua sau ai ma le tala ua taofia nei.
E amata iloiloga o lenei mataupu i le Aso Faraile, ma i lipoti o le taeao nei e pau fuafuaga e lē o suia o le faaauau pea ona vāea o tagata galulue ua ofo mai lava i latou e o, poo le voluntary redundancy.
Mai le PSA o lea ua mae’a logoina foi ona sui o loo i le Matagaluega o le a faaopoopo le notice period mo tagata e vāea.
A o taofia ai fuafuaga o le vāea o le Matagaluega o Aoga, ua faailoa i tala a le 1News i le taeao nei, poo le ā lava le iuga e oo iai taunuuga o iloiloga faaletulafono ua lāgā mai, ae lē suia ai lava fuafuaga o le tatau pea ona faia o le vāea mo tupe faasao.
Puna o Faamatalaga: http://Education Ministry job cuts paused after legal challenge (1news.co.nz)
