O le sauniga faapitoa o le misasā pa’ia na faia i le malumalu o le Ekalesia Katoliko i Mulivai i Apia i le Aso Sa na te’a nei, sa talosia ai le sauni atu o Samoa i lana faigā filifiliga e ala lea i le palota tele i le faai’uga o lenei vaiaso.
O se sauniga sa ta’ita’ia e le afioga i le Aki Epikopō o le Pule’aga a Samoa Apia, ae na auai ma le tama’ita’i Palemia ma nisi o minisita o le malo tausi.
Sa auai foi nisi o ta’ita’i o patī faaupufai faapea nisi o sui tauva o le palota.
O le fe’au sa faatāua i le faamalosi’au a le Aki Epikopō le afioga Mosese Vitolio Tui, ia tasi Samoa ma ia maua le nonofo filemu o tagata uma ma ia maua le fealofani.
Se vaega o le fe’au faaleagaga mai le afioga i le Aki Epikopō le afioga Mosese Vitolio Tui.
