Ua faaalia e le Komisi su’esu’e o faalavelave o auala o femalagaa’iga poo le Transport Accident Investigation Commission le moomia ai ona toe iloilo ma saga faamalosia le faia o tuutuuga ma tulafono i masini faalele solo poo drones, i le alia’e mai ai o se matāupu na tauau ina feto’ai ai se drone ma se vaalele la’upasese.
Ta’ua i lipoti, o loo faatino pea su’esu’ega a le Komisi i le matāupu na tula’i mai i le masina o Aperila i le tausaga 2024, e faapea toeitiiti lava a feto’ai le vaalele a le Ea Niu Sila ma se drone i le toe 2000 ft le mamao mai le malaevaalele.
Māua, e solitulafono tulaga na alia’e mai, aemaise o le solia ai o aiaiga ma ta’iala i le faalele ai o se drone i nofoaga o iai malaevaalele.
Na faailo e sui o le ‘ausu’esu’e, e iai lava tagata o loo tausisia nei ta’iala ma tulafono ae e iai nisi e foliga mai e lē malamalama i ta’iala ma tulafono poo le lē fia malamalama foi, ma i’u ai lava ina solia nei aiaiga.
Ma ua iai foi le isi e mafaufau e lē taitai lava ona aafia i le tulafono ma o le ala lea ua tatau ai lava ona toe iloilo ta’iala nei ina ia faamalosia tulaga o tulafono a o faasalaga mo ē lē fia faalogo.
Puna o Faamatalaga: https://www.rnz.co.nz/news/national/563909/call-for-tighter-rules-after-drone-and-plane-nearly-collide-at-auckland-airport
