Ua talosagaina nei e leoleo se fesoasoni mai le mamalu o le atunuu i ni faamatalaga e tusa ai ma se matāupu o loo su’esu’eina.

O lea matāupu e faamauina o loo aafia ai se ‘alu’alutoto, tama teine 3 masina le matua. 

I lipoti mai le leitio faavaomalo a Niu Sila, na faailo ai e le Satini Sinia o se leoleo su’esu’e faapitoa ia Detective Senior Sergeant Steve Wescott o le Aso Tofi, o le aso 14 o Iuni na logoina atu ai lo latou ofisa i le Matāgaluega o le Soifua Mālōlōina, i le oo atu ai o se aiga mai Hutt Valley e avatu se pepe 3 masina mo togafitiga; na ta’ua e aafia i le aao poo le lima o sia ‘alu’alutoto, e faapea e gau lona lima. 

Faailoa foi, i le faatino ai o su’esu’ega na māua ai e lē na o le pau ai lea o aafiaga o le pepe, faamauina e iai nisi o vaega o lona tino o loo aafia.

O ni manu’aga ua fesiligia ai e leoleo tulaga o mafua’aga ua aafia ai lea pepe i manu’aga tugā.

Ta’ua e leoleo e masalomia e lē o ni manu’aga na alia’e mai i se faalavelave, ae o ni manu’a na maua mai i se faatinoga a se isi tagata.

Ua talosagaina ai soo se tasi lava e silafia se faamatalaga e uiga i lenei matāupu ina ia faafesoota’i atu lo latou ofisa i le numera 105.

Puna o Faamatalaga: https://www.rnz.co.nz/news/national/565845/baby-girl-suffers-multiple-fractures-police-appeal-for-information