E iai se vairusi mafua mai i le namu ua masalomia pepesi i Brisbane mo le uluai taimi. O le faaiuga o le vaiaso ua faailoa mai ai e le vaega o le Soifua Maloloina ua lapataia ai tagata ona o le susū o le tau mai aafiaga o le afa o Alfred.

O loo masalomia o le Japanese Encephalitis lea o loo ua faataamilo nei i Brisbane pei ona faailoa e le 9news ma o le faamatalaga a le au suesue e faapea e le masani ai i le itu lea i saute i sasae o Kuiniselani le aafia i lea vairusi ae taua o loo faatupulaia le faateteleina o lamatiaga i tagata e aumau ai i lea faaitu.

I le tuaoi o Niu Sa Uelese e lima tagata ua faamauina ua aafia ma le toalua o alii ua maliliu ile tausaga nei.

O auga o le Japanese encephalitis e aofia ai le fiva, tiga o le ulu, faafaufau tulou, tiga o le ua ae i nisi tagata e mama auga ma e tau leiloa auga i nisi.

Fai mai o le auala aupito sili e puipuia ai le tagata o le fai o ofu lima uumi ma ofu vae vaeuumi, faaaoga le repellant ma nonofo i totonu o fale.

O loo avanoa tui puipui mo lea vairusi i vaega uma o le atunuu mae fautuaina le faaaoga mo puipuiga.  

Puna o Faamatalaga: https://www.9news.com.au/national/cyclone-alfred-brisbane-health-japanee-encephalitis/afd85cee-92aa-4b7d-9d3a-b62242b3398b