Ua lipotia mai nei le tālia ai e le alii taalo Samoa ia Caleb Clarke o le i’uga a le Faamasinoga Faaitumalo o Aukilani e tusa ai ma lana faasalaga i le moliaga o le ave taavale mata’utia poo le dangerous driving.
Mo le silafia o lea matāupu na molia ai le uigi a le Blues ma le All Blacks, ina ua taumafai leoleo e faatū atu o ia, ae aga’i pea, ma i’u ai lava ina alu sa’o a o iai mōlī i le lanu mūmū.
Ua faamauina e fai lava sina saoasaoa tele o le alu o le pasika na aveina e le alii o Caleb.
Ma i le amataga o le tausaga lenei ia Fepuari, na ioe ai le alii o Caleb i ona moliaga ma na ia ta’ua ai lona salamō tele i ana gaioiga sa fai, ma ua ia faatoese ai foi ona o aga sa faatino.
Na aga’i faatasi atu le alii 26 tausaga ma lona aiga i le fale faamasino e tālia ai le i’uga o lea matāupu.
Puna o Faamatalaga: https://www.rnz.co.nz/news/national/564898/caleb-clarke-in-court-for-sentencing-on-dangerous-driving
