Ua faailoa mai e sui o le Soifua maloloina mai Fiti o le tulaga ua iai nei Fiti I le koviti 19 ua sili atu ona pagatia nai lo Niu Sila ma Ausetalia.
E 89 ilatou na aafia I le vairusi ole ituaiga ole Delta Variant lea na pepesi I Initia ile aso ananafi ma ua faaalia le aafia foi o nisi o le aufaigaluega I le falemai autu o le atunuu.
Ua saili fesoasoani atu nei Fiti ia Ausetalia pei ona taua e le RNZ Pacific e aumai ai lana au faafomai ile laumua o Suva. Olea au o le a fesoasoani tele I le aufaigaluega I Fiti I le fuafuaina o le tali atu I nisi cases faaopoopo e ono toe faaopoopo ane I le aofai ua iai nei.
Fai mai le failautusi ole soifua maloloina Dr James Fong o loo faia nei faatalanoaga ma ele o toe mamao taunuu le au lea I Fiti.
Fai mai o le tulaga ua iai cases I Fiti I le aso ua pe a ma le 60 ma o se aofaiga tele lea. I le taimi nei ua 860 tagata ua aafia I le koviti I Fiti ma le toa 23 ua toe malolosi. E toafa ua maliliu ma leisi toafitu na aafia ile koviti ae na maliliu ona o isi gasegase na aafia ai.
