Ua toe tali mai le minisita o le puipuiga a le atunuu, Judith Collins i faamatalaga a le Leipa ma le Green ua faia faasaga i le faaiuga a le malo e aveina atu vaegaau e ono a le puipuiga i Sasae Tutotonu ae o loo iai popolega i le mataupu o va faavaomalo.
Ua ta’ua i lipoti i le asō le faapipii ane e le vaega a le Houthi Rebels i Yemen o a latou osofaiga i vaa i le Red Sea ma le vevesi i Gaza.
O le vaega lea o loo lagolago iai le atunuu o Iran ma ua o latou taua o a latou osofaiga oloo taulai sao i vaa o loo agai atu mo uafu i Isaraelu.
O le talosaga mai le malo tele ua ave atu ai nei e Niu Sila ana vaegaau tau le puipuiga i lea faaitu e fesoasoani i le vaega o le militeli o loo faasagatau atu i le Houthi Rebels.
Fai mai Collins i le Leipa ma le Greens ua leva ona tatou agai i luma mai manatu ua faaalia ua 20 tausaga talu ai le vaega o loo latou ta’ua.
Na faailoa foi e Collins o osofaiga i vaa i le Red Sea e lē o se mea fou ma e na te teena foi ni sootaga o ia osofaiga ma le vevesi a Palesitina ma Isaraelu.
Na fesiligia foi le tamaitai minisita pe iai sona popolega i toso atu ai ma Niu Sila i le vevesi lea ae fai mai Collins e matuai leai ma sona popolega faapea.
