Ua faamautinoa mai e Winston Peters, lē o loo tauavea le tofiga Palemia i le taimi nei, o loo faasolo pea le faatalanoaina o le media reform package.
O lea na polomisi mai le palemia, Christopher Luxon i le masina o Fepuari o le a vave faia e le malo se faiga e fesoasoani ai i ofisa faasalalau ina ia taofiofi ai le tapunia o auaunaga ma leai ai ni galuega a tagata faigaluega.
O se polomisi na sau ai i le mae’a tapunia e le Warner Bros o le Newshub faapea le tele o ana polokalame ae vaea nisi o le TVNZ faatasi ai ma le lē toe faaauauina o nisi o polokalame e aofia ai le Fair Go.
Maua e tala fou o lea na tapena e lē sa tulai mai i le tofiga minisita o le media i lea taimi Melissa Lee pepa mo le kapeneta o loo lomia ai auala e puipuia ai mai le laasia o le laasaga lea e oo ai ina tapunia ofisa faasalalau.
O lea ua sui le minisita ole media ma ua fesiligia ai foi poo fea ua oo iai le polomisi.
Ae mai ia Winston Peters ananafi, sei toe talanoa i le minisita fou o le media Paul Goldmith I le mamao ua oo iai, ae i lona manatu o se mataupu o loo iloilo pea.
Puna o Faamatalaga: http://’Work in progress’: Winston Peters coy on whereabouts of promised media reform package | Stuff
