A itititi mai pe to’afā ua pu’eina e leoleo i le amataga o le vaiaso nei i Take ona o le tusia ma le tufatufaina o cartoons poo ni ata mālie ua ta’ua i faamatalaga o loo faaāta ane ai le perofeta o Mohammed faapea ma Mose.

Lipotia e le CNN o lea cartoon ua lomia i se tusiata faapolokiki ua faailoa ai se ata e foliga o se alii Mosalemi ma se alii Isaraelu e fai o la apaau ma o loo faatalofa ma faafeiloa’i e le isi le tasi a o to’ulu ane ni pomu.

Ua maimoa iai le to’atele i le ata lea i luga o upega tafa’ilagi ae ua mafua ai ma le mau solo tetee faasaga iai ma ua upuia ai foi ma le magazine sa lomia ai.

Ua folafola ai la e le matāgaluega o faamasinoga a le atunuu le faia o se su’esu’ega i le matāupu lea ae ua faailoa mai se faamatalaga mai le magazine lea o le LeMan e faapea o le ata e lē o faaāta atu ai le perofeta Isalama ma e silia ma le 200 miliona tagata e faaigoa ia Mohammed i le lalolagi Isalama.

Puna o Faamatalaga: https://edition.cnn.com/2025/06/30/europe/turkey-arrests-cartoonists-mohammed-protests-latam-intl