Ua faamaonia mai nei e Taiwan ua iai le ulua’i tagata ua aafia i le vairusi o le Chikungunya i lo latou atunuu ae na aga’i atu mai Saina.
O le vaiaso talu ai na lipotia ai e Saina e silia ma le 7 afe ua aafia i lo latou atunuu i lea vairusi aemaise lava i le itumalo o Foshan lea e latalata foi i Hong Kong.
Peita’i la o lea ua faailoa e Taiwan o se tama’ita’i pe ā ma le 40 tausaga lea ua toe foi atu i Taiwan ua faamaonia le aafia.
Sa ia asia Saina i le vaiaso talu ai i le faaitu tonu o loo pepesi ai le vairusi.
Fai mai na aafia i le fiva ma taofia ai i le falema’i ma faalogoina le tigā o le tino ma le mageso.
Ua faavave le vaega o le soifua mālōlōina a Taiwan e faatino puipuiga i nofoaga lalata ane i le vaega e aumau ai lea tama’ita’i ae ua faailoa ua atoa ai le 17 o tagata aafia i Taiwan talu mai le amataga o le tausaga, o i latou uma ia na aga’i atu i totonu o le atunuu ma e talitonuina e pesia mai i nofoaga na malaga atu iai.
Puna o Faamatalaga: https://www.9news.com.au/world/taiwan-reports-first-imported-chikungunya-case-from-china/0162a4d0-5c50-44d9-bf87-3986ec6f3723
